Üsi Reis nach Knoxville TN, Charleston SC und Florence SC

Mir si vo ganz liebe Studie Fründe iglade worde a üsem Hochzyt teilznä. Da mir sowieso grad den Feriä hei, het sich das grad super troffe. Mir über Knoxville gfahre wo mir no Chrigus Houst Dad (Austauschjahr vor 10 Jahr) hei troffe. Knoxville isch ganz es härzigs euters Stedtli mit charm, het üs sehr guet gfalle. 

Vo dört simer am nächschte Tag witer nach Charleston SC. Charleston isch e sehr populäri u beliebti Stadt es het sehr villi ganz tolli Restaurant und spezielli Lädeli. D Hüser si wunderschön u z Meer isch grad vor dr Tür. 

Z Wätter isch am Namittag no ganz schön worde, aber o si hei Winter u düre Wind wo blast dünckts eim haut immer cheuter. Da ja scho gli Wiehnachte isch hets ganz tolli belüchtig gha. 

Leider isch üses Auto no flach gläge in Charleston u mir hei 2 Täg uf üses Auto müesse warte. Gflikt u mit weniger Gäud im Portemonaie si mr witer gfahre uf Florence. Dört fasch acho isch uf dr Usfahrt z Stürrad nüme gange, dürnes Wunder isch aber grad üses Hotel grad vis a vie gsi u mir hei nume grad gradus chöne ine fahre. Mr heis när müess la abschleppe u au das 2 Stung vorem Hochzyt. Es het üs aber häb kläpp glängt das mir no pünkltlich a z Hochzyt si cho. Z Hochzyt isch wunderschön gsi!